Torsk
Torsken kan verte vel 1,5 m lang, vege vel 50 kg og verte om lag 40 år gammal. Skrei er namnet på kjønsmogen torsk, og er ofte nytta om den torskestammen som kjem til norskekysten for å gyte.
Torsk, Gadus morhua, er ein viktig matfisk. Torsken har karakteristisk skjeggtråd, tre ryggfinnar og to gattfinnar. Han kan verte vel 1,5 m lang, vege vel 50 kg og verte om lag 40 år gammal.
Foto: Joachim S. Müller, Flickr.com CC BY-NC-SA 2.0.
Torsken lever av annan fisk, muslingar, krepsdyr og så vidare. Han lever vesentleg i det nordlege Atlanterhavet, men han finst også i Austersjøen. Fargen varierer etter botnforholda, slik at taretorsk er raudaktig, men mørkflekkete ved leirbotn.
Torsk er ein viktig matfisk og det finst eigne oppdrettsanlegg for torsk. Torsk er ei viktig eksportvare for Noreg. I 2015 eksportrerte Noreg torsk, hyse og sei for tretten milliardar kroner.
Kjelde:
Nikolaisen, Tord: Rekordeksport av torsk i 2015
http://www.lofotposten.no/blakveite/fisk/fiskeri/rekordeksport-av-torsk-i-2015/s/5-29-158742
Redigert og omsett frå Caplex, digital utgåve 2000–2006
Einerett for nynorsk utgåve etter avtale med Cappelen Damm 2009
Sist oppdatert: 23.02.2017