Databehandling

Datavirus, eit program som med vilje «smittar» frå datamaskin til datamaskin, gjennom programvare eller over internett.

Orm (engelsk worm), blir rekna som ein spesiell type datavirus. 

Tilkopla (engelsk on-line), når ei inn- eller ut-eining til eit dataanlegg arbeider direkte tilkopla sentraleininga i anlegget. 

EDI, Electronic Data Interchange, elektronisk dokumentutveksling. 

HD DVD, eit optisk lagringsformat for data, utvikla mellom anna av det japanske teknologiselskapet Toshiba. 

JPEG, Joint Photographis Experts Group, eit standardformat for biletfiler, utvikla for komprimering av fargebilete (behandlar 16 millionar fargar) og gråskalabilete med kontinuerlege overgangar. 

Unicode, ein standard som gir teikn ein bestemt talverdi i det binære talsystemet. 

GIF, Graphics Interchange Format, eit format for grafikk som blir lagd ut på internett. 

PNG, Portable Network Graphics, eit format for grafikk, utvikla som eit patentfritt motstykke til GIF. 

Høgnivåspråk, eit programmeringsspråk for datamaskiner som ikkje er avhengige av strukturen til ei bestemt datamaskin eller eit bestemt operativsystem. 

Kryptere, å omforme data ved hjelp av ein krypteringsnøkkel slik at dei blir ugjenkjennelege. 

Nettlesar (engelsk web browser), eit program for å hente opp og vise fram informasjon lagra i form av dokument på World Wide Web. 

Paritetsbit, ei nemning for bit knytt til ei gruppe bitar som er bestemte slik at summen av bitane anten alltid blir av ulik paritet eller alltid av lik paritet. 

RSS, Really Simple Syndication (også kalla RDF Site Summary eller Rich Site Summary). Systemet kan presentere innhaldsoversikter, ingressar, overskrifter og anna frå nettstader der innhaldet stadig blir endra eller oppdatert, for eksempel bloggar. 

XML, Extensible Markup Language, er ei tilpassing og forenkling av SGML (Standard General Markup Language), utvikla spesielt for å lette arbeidet med å gjere strukturerte data frå databasar tilgjengelege for presentasjon på World Wide Web utan at strukturen går tapt. 

SGML, Standard Generalized Markup Language, ein ISO-standard (ISO 8879:1986) for strukturering av informasjon. 

.no, namn på toppdomenet for Noreg på internett, skal lesast «punktum no» eller engelsk «dot no». 

Domenenamn, ei adresse som identifiserer ein internett-node (eit knutepunkt, til dømes ein server). 

ICANN, The Internet Corporation for Assigned Names and Numbers.

HTTP, HyperText Transfer Protocol, protokoll for internett for formatering og overføring av data på verdsveven.

URL, Uniform Resource Locator, ei adresse eller ei lokalisering for dokument på World Wide Web (populært kalla Web‑en, verdsveven eller www). 

World Wide Web (www), ei teneste som bruker det verdsomspennande internettet som bereteneste. 

Hyperlenkje (engelsk hyperlink), ei kopling eller ein peikar i ei interaktiv datasamling, særleg på World Wide Web. 

Cyberspace (engelsk), ein metafor for det ikkje-fysiske rommet som er skapt av samankopla datamaskinsystem. 

DAK, datamaskin-assistert konstruksjon (engelsk computer-aided design, CAD).