Teleteknikk og telekommunikasjon

CEN (forkorting for European Committee for Standardization, fransk Comité Européen de Normalisation), europeisk organisasjon som arbeider for teknisk standardisering i Europa.

DMT, forkorting for engelsk Discret Multi Tones, modulasjonsmetode som blir brukt i ADSL- og VDSL-modem.

Ein forsterkar er eit elektronisk apparat som forsterkar elektriske signal.

Grønt nummer er ei teleteneste der den som har nummeret, betalar for teletenesta, medan den som ringjer, betalar ingen eller eventuelt ein redusert takst frå fasttelefonnettet.

IEEE er ei forkorting for Institute of Electrical and Electronics Engineers, som er ei USA-basert verdsomspennande foreining av ingeniørar, studentar, forskarar og andre teknologar.

Ei IP-adresse er ein identifikasjon av ei eining i eit TCP/IP-nettverk.

IP-telefoni, metode for overføring av lyd (tale) over Internett. 

Krøllalfa eller alfakrøll, @, er eit symbol for engelsk at (‘ved, hos’) som blir brukt i e-post.

Mikrofon (av gresk), innretning som set om lydbølgjer til svingingar i ein elektrisk straum. 

MMS er ei meldingsteneste som kan innehalde film, bilete, lyd eller tekst, anten kvar for seg eller i kombinasjon. MMS er ei forkorting for engelsk multimedia messaging service.

Monitor (av latin monere, ‘åtvare’), kontinuerleg registrerande kontrollapparat.

NMT var eit heilautomatisk, analogt første generasjons (1G) mobiltelefonsystem som blei utvikla i fellesskap av nordiske teleoperatørar.

Nordvisjon, namnet på det nordiske samarbeidet om fjernsynsprogram, som blei sett i gang i 1959.

Pakkesvitsja nett, telenett der informasjonen blir overført i form av datablokker (datapakkar). Eit kjent døme på eit pakkesvitsja nett er Internett.

PIN (engelsk Personal Identification Number) er ein godt hemmeleghalden sifferkombinasjon (PIN-kode) som ein må taste inn eller lese opp for å identifisere brukaren av ei teneste eller eit apparat.

Ein radioamatør er ein person som har fått tildelt radioamatørlisens. I Noreg er det Nasjonal kommunikasjonsmyndigheit (Nkom) som skriv ut lisensar.

SMS, tekstmeldingsfunksjon som gjer det mogleg å sende korte meldingar på som regel 160 teikn mellom mobiltelefonar.

Tastafon er ei tidlegare nemning på telefonapparat med tastar i staden for nummerskive. 

TCP er saman med IP den viktigaste protokollen på Internett for informasjonsutveksling.

Telefaks, teneste for overføring av trykt informasjon, til dømes dokument, brev, teikningar og fotografi med raster.

Ein telegraf er eit apparat som blir brukt til overføring av tekst, signal og teikn.

Telektronikk, fagleg detaljert tidsskrift innanfor vidt forskjellige aspekt ved telekommunikasjon som blei publisert av Telenor.

Transmisjon, overføring av informasjon/data mellom brukarar.

VHF blir brukte i kringkasting av radio- og fjernsynssendingar, som mellom anna DAB og FM.

Videokonferanse eller fjernsynskonferanse, audiovisuelt samband mellom brukarar på to eller fleire ulike stader.