Solfuglen
«Solfuglen» vart brukt som felles logo for mange av verksemdene som var medlemer i Norske lagsbruk.
Solfuglen
Av .

Norske Lagsbruk var ein organisasjon som eksisterte frå 1979 til 2012, men med røter tilbake til 1910-talet. Det var ein samskipnad for verksemdene som var sette i gang av ungdomslag og mållag. Dette var hovudsakleg serveringsstader og hotell; kaffistover og bondeheimar.

Det fyrste namnet til organisasjonen var Lagsbrukssamskipnaden, som var eit framhald av Lagsbruksnemnda. Lagsbruksnemnda fekk eigne vedtekter i 1954, og vaks ut av lagsbruksmøta som tok til i 1949 på initiativ frå Noregs Mållag og Noregs Ungdomslag.

Organisasjonen skulle vidareutvikle næringsverksemdene som var eigd av mållag og ungdomslag og fremje samarbeid mellom dei. Den viktigaste drivkrafta var i mange år Sigmund Dale, med støtte frå Kåre Kolås. Nils Seland var dagleg leiar 1990–2007, Anders Slaatsveen 2007–2012.

I 1997 vart namnet endra til Norske Lagsbruk, i 2009 vart namnet endra igjen til Norske kulturbygg. Organisasjonen vart lagt ned i 2012.

Les meir i Store norske leksikon

Kommentarar

Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.

Du må være logga inn for å kommentere.

eller registrer deg