Legitim (av latin lex, ’lov’), omgrep for at noko stemmer med gjeldande lov, altså at det er lovleg og rettmessig. Til dømes kan det bli brukt om utøving av offentleg avgjerdsmakt. Tidlegare var det også brukt om ektefødde barn, i motsetnad til barn som var fødde utanfor ekteskap («illegitime» eller «uekte» barn). Tilsvarande er ei legitim tronfølgje ei tronfølgje som er bygd på eit rettmessig arvekrav.