Hopp til innhold
X
Innhald

Framandlegion

Framandlegion, nemning som er brukt i fleire land om ein styrke som i hovudsak omfattar utanlandske soldatar, som regel under leiing av offiserar frå det landet som brukar nemninga. Den spanske framandlegionen opererte tidlegare i spansk Vest-Sahara.
 
Mest kjend er den franske framandlegionen, La légion étrangère, som vart grunnlagd i 1831 med hovudkvarter i Aubagne. Rundt halvparten av soldatane er i dag franskmenn, og resten kjem frå ulike andre land. Etter den andre verdskrigen kjempa legionen i dei tidlegare franske koloniane i Indokina i 1946–54 og i Algerie i 1954–62.
 
Seinare har han vore brukt aktivt av Frankrike i ulike utanlandsoperasjonar, som i Tsjad i 1980, Gulfkrigen i 1991 og på Balkan frå 1999. Den franske framandlegionen har også einingar i Afghanistan. Ei avdeling frå legionen kjempa ved Narvik i 1940.
 
 
Foto under: Framandlegionen. Foto: Thardy1, flickr.com CC BY
 

 
Redigert og omsett frå Caplex, digital utgåve 2000–2006
Einerett for nynorsk utgåve etter avtale med Cappelen Damm 2009
 


Sist oppdatert: 28.05.2013