Faktaboks

Dagrun Eriksen
Dagrun Jofrid Eriksen
Fødd
28. juni 1971, Kristiansand
Dagrun Eriksen.
Stortinget.

Dagrun Eriksen er tidlegare stortingsrepresentant for Kristeleg Folkeparti frå Vest-Agder i 1997—2013 og nestleiar i partiet i perioden 2004-2017.

Bakgrunn

Dagrun Jofrid Eriksen er fødd i Kristiansand i Vest-Agder (no Agder). Ho gjekk på Vågsbygd videregående skole i 1987–1990 og tok grunnfag i kristendom ved Høgskolen i Agder (no Universitetet i Agder) i 1990–1991. Ho har arbeidd i Grim menighet (1990–1991), og som barnehageassistent, lærarvikar og assistent (1993–1997). I 2018 blei ho marknads- og kommunikasjonssjef i helseteknologiselskapet ContinYou i Rogaland.

Politisk karriere

Eriksen var medlem av Kristiansand bystyre for Kristeleg Folkeparti i 1995–1997 og 2000–2001. I 1997–2000 var ho medlem av KrFs forsvarspolitiske utval, og i 2001–2003 var ho 1. vararepresentant til sentralstyret i KrF før ho blei styremedlem i 2003–2004. Frå 2004 var ho medlem av KrFs kvinners landsstyre og var 1. nestleiar i partiet fram til 2017.

Eriksen var formelt vararepresentant til Stortinget frå Vest-Agder 1997–2001 og 2005–2009, og møtte fast for statsråd Jon Lilletun i periodane 1997-2000. Ho rykka opp som representant etter Lilletun sin død og hadde i tillegg fast plass på Stortinget i periodane 2001–2005 og 2009–2013. Ho var nestleiar i Kyrkje-, utdannings- og forskingskomiteen på Stortinget i 2006-2013. Eriksen fekk ikkje plass som kandidat frå Vest-Agder ved valet i 2013.

Hjartesakene hennar er familiepolitikk og skulepolitikk. Då Eriksen var leiar av strategiutvalet i Kristeleg Folkeparti i 2010 føreslo ho å fjerne trusvedkjenningskravet for tillitsvalde i partiet. I 2017 var ho førstekandidat for Nordland KrF, men blei ikkje vald inn på Stortinget ved stortingsvalet i 2017. I 2020 melde ho seg ut av partiet og melde overgang til det nye partiet Sentrum.

Andre verv

Ho var har vore meddommar i Agder lagmannsrett sidan 1995, var medlem av skulestyret ved Sjøstrand skole 2000–2001 og har vore medlem av rådet i Strømmestiftelsen og landsstyret i Blå Kors. Ho har òg vore styreleiar i Arkivet i Kristiansand.

Les meir i Store norske leksikon

Eksterne lenker

Kommentarar

Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.

Du må være logga inn for å kommentere.

eller registrer deg