Faktaboks

Grete Faremo
Fødd
16. juni 1955, Arendal, Agder
Levetidskommentar
Oppvaksen i Bygland, Agder
Verke
Jurist og politiker
Familie

Foreldre: Jernbanetelegrafist, senere turist- og tiltakssjef og stortingsmann Osmund Faremo (1921–99) og Tora Aamlid (1921–).

Gift 26.5.1979 med advokat Eivind Haug Kogstad (1.5.1954–), sønn av kommunegartner Kåre Kogstad og Else Haug, ekteskapet oppløst 1985; samboer med skuespiller Magne Benedikt Lindholm (25.5.1945–), sønn av informasjonssjef Helge Lindholm (1912–91) og pianolærer Solveig Engh (1908–2000).

Talerstolen på landsmøte i Arbeiderpartiet i 2013
Grete Faremo er en erfaren politiker og næringslivsleder.

Grete Faremo er ein norsk jurist og politikar for Arbeidarpartiet. Ho har vore statsråd i fire departement i regjeringa Brundtland III, regjeringa Jagland og regjeringa Stoltenberg II. Faremo var stortingsrepresentant for Arbeidarpartiet frå Oslo i 1993–1997.

Bakgrunn

Grete Faremo er fødd i Arendal i Aust-Agder (no Agder) og voks opp i Bygland i Aust-Agder (no Agder). Ho gjekk på Hornnes gymnas i 1970–1973 og blei i 1978 cand.jur. med folkerett som spesialfag ved Universitetet i Oslo. Faremo er dotter av Arbeidarparti-politikar og tidlegare stortingsrepresentant Osmund Faremo.

Næringslivet

Grete Faremo har hatt fleire leiande stillingar i næringslivet. Ho var mellom anna forhandlingsleiar i Aker Eiendom i 1986–1988, kulturdirektør ved Theatrium på Aker Brygge i 1988–1989, direktør i Norsk Arbeiderpresse i 1990–1997, direktør i 1997–1998 og konserndirektør i 1998–2003 i Storebrand ASA, direktør i Microsoft for jus og samfunnskontakt i Vest-Europa frå 2004 til 2008 og partnar i Rådgiverne LOS i 2009.

Politisk karriere

Faremo starta den partipolitiske karriera si som leiar av AUFs kulturutval i 1982–1984 og medlem av det internasjonale utvalet til AUF i 1984–1985. Ho var varamedlem for Arbeidarpartiet i Oslo bystyre i 1987–1991 og medlem av styret for Oslo Arbeiderparti 1990–1992. Før dette arbeidde Faremo som juridisk saksbehandlar i finansdepartementet i 1979–1980, som saksbehandlar i NORAD i 1980–1984, og som byråsjef i departementet for utviklingshjelp i 1984–1986.

Stortingsrepresentant og statsråd

Faremo var stortingsrepresentant frå Oslo i 1993–1997 og sat i energi- og miljøkomiteen. Faremo var bistandsminister i 1990–1992 og justisminister i 1992–1996 i regjeringa Brundtland. Som bistandsminister arbeidde ho mellom anna med å skape eit tettare samband mellom Noreg og internasjonale organisasjonar og eit betre system for overføring av bistand.

Faremo gjekk av som justisminister i desember 1996 etter avsløringar om at Berge Furre hadde vore under etterforsking av Politiets overvakingsteneste (POT) då han sat i Lund-kommisjonen. Faremo var i ein liten periode hausten 1996 olje- og energiminister i regjeringa Jagland. Ho sat på Stortinget ut perioden, men trekte seg ut av aktiv politikk frå 1997 og fram til ho blei forsvarsminister i 2009.

Grete Faremo var tilbake som aktiv politikar i regjeringa Stoltenberg II i perioden 2009–2013. Frå 2009 til 2011 var ho forsvarsminister og hadde mellom anna ansvaret for omstillinga i Forsvaret og det norske engasjementet i Libya. Hausten 2011 overtok Faremo som justisminister etter Knut Storberget. Etter terroraksjonane 22. juli 2011 bytte departementet frå 2012 namn til Justis- og beredskapsdepartementet, og Faremo var justis- og beredskapsminister frå 2011 til 2013.

FN

FNs generalsekretær Ban Ki-moon utnemnde i mai 2014 Grete Faremo til ny direktør for United Nations Office for Project Services (UNOPS), med sete i København – ei stilling ho tiltredde i august same år. Ho gjekk av i 2022 etter at to av dei tilsette i UNOPS hadde vore involvert i økonomisk misleghald.

Andre verv

Faremo har hatt ei lang rekkje administrative verv og tillitsverv, mellom anna ulike verv i Det norske Samlaget, styremedlem i Saga Petroleum i 1997–1999, PLAN Norge i 2000–2003, ISF (Institutt for samfunnsforsking) i 2001–2004, Elkem i 2002–2005, Schibsted i 2004–2006, COWI AS i 2008–2009 og Norsk helsenett SF i 2009. Ho var styreleiar i Statnett SF i 2000–2005 og i Norsk Folkehjelp i 2003–2007, og nestleiar i Norsk Hydro i 2006–2009.

Les meir i Store norske leksikon

Eksterne lenker

Kommentarar

Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.

Du må være logga inn for å kommentere.

eller registrer deg