H

Alf Holmelid

Alf Egil Holmelid, sivilingeniør, forskingsdirektør ved Universitet i Agder. Stortingsrepresentant 2009—13, som den første stortingsrepresentanten for Sosialistisk Venstreparti frå Sørlandet nokon gong.

Andreas Halse

Andreas Christiansen Halse, politikar og dagleg leiar i Svenssonstiftelsen. Han var leiar i Sosialistisk Ungdom (SU) i perioden 2012–14.

Anniken Hauglie

Anniken Hauglie, cand.polit. og politikar, tidlegare byråd for kunnskap og utdanning i Oslo. Frå desember 2015 er ho arbeids- og sosialminister i Noreg.

Anniken Huitfeldt

Anniken Scharning Huitfeldt, historikar, tidlegare leiar av AUF og stortingsrepresentant for Arbeidarpartiet frå Akershus. Ho var statsråd ved fleire departement under Stoltenberg-regjeringa.

Are Helseth

Are Helseth, lege og 1. vararepresentant til Stortinget for Arbeidarpartiet frå Akershus, men har møtt fast sidan 2009.

Arild Hermstad

Arild Hermstad, geograf, tidlegare leiar av Framtiden i våre hender og den eine av to talspersonar for Miljøpartiet Dei Grøne (MDG) sidan 2018.

Arne Hjeltnes

Arne Hjeltnes, konsernsjef, forfattar, folkekjær og allsidig programleiar på NRK og TV2 og høgrepolitikar.

Bent Høie

Bent Høie, hotellfagutdanna stortingsrepresentant for Høgre frå Rogaland og helse- og omsorgsminister i Solberg-regjeringa frå oktober 2013.

Baard Haugland

Bård Hoksrud

Bård Hoksrud, handelsmann og politikar frå Framstegspartiet. I 2018 blei han den tredje landbruksministeren for Framstegspartiet, som er det partiet som har styrt landbruksdepartementet lengst i åra etter 2010.

Carl Joachim Hambro

Carl Joachim Hambro var politikar for Høgre og stortingspresident.

Christopher Hornsrud

Christopher Hornsrud, politikar og formann i Arbeidarpartiet. Han var statsminister i berre atten dagar, men levde lenger enn nokon annan regjeringssjef i verda, i 101 år.

Einar Hovdhaugen

Einar Hovdhaugen, bonde og politikar, forfattar, målmann og kulturhistorikar.

Eivind Hansson Hognestad

Eivind Hansson Hognestad, gardbrukar, forsøksdyrkar, ordførar og stortingsrepresentant.

Francis Hagerup

Francis Hagerup, jurist og politikar. Han var statsminister frå 1903 til 1905, då usemje om unionspolitikken førte til at han gjekk av.

Heikki Holmås

Heikki Holmås, siviløkonom, stortingsrepresentant for Sosialistisk Venstreparti for Akershus og tidlegare bistandsminister i Noreg.

Hieronymus Heyerdahl

Hulda Holtvedt

Hulda Holtvedt, politikar og nasjonal talsperson for Grøn Ungdom sidan 2017, den yngste ungdomspartileiaren i Noreg nokon gong.

Ingrid Heggø

Ingrid Bjørketun Heggø, banktilsett og stortingsrepresentant for Arbeidarpartiet frå Sogn og Fjordane sidan 2005.

Jens Chr. Hauge

Jens Christian Hauge, motstandsmann, politikar og advokat. Hauge var under krigen leiar for Milorg. Etter krigen var han statsråd for Arbeidarpartiet.

Jens Haugland

Jens Haugland, jurist, dommar og tidlegare statsråd for Arbeidarpartiet. Haugland var ein av få sentrale Ap-politikarar som markerte seg både mot norsk medlemskap i NATO og EEC, men som vart verande i partiet.

Jens Hundseid

Jens Hundseid, landsbrukslærar og politikar. Han tok over som statsminister då sitjande statsminister Peder Kolstad døydde. Han var medlem i Nasjonal Samling og vart under rettsoppgjeret etter krigen dømd til 10 års fengsel.

Johannes Helleland

Johannes Helleland, ordførar og stortingsmann for Venstre. Han starta den første folkehøgskulen på Vestlandet og var ei drivkraft i opplysningsarbeidet i 1870- og 80-åra, trass i mykje motgang.

Jonas Anton Hielm

Kari Henriksen

Kari Henriksen, psykiatrisk sjukepleiar og stortingsrepresentant for Arbeidarpartiet frå Vest-Agder frå 2009.

Kirsten Hansteen

Knut Arild Hareide

Knut Arild Hareide, siviløkonom, stortingsrepresentant og partileiar i Kristeleg Folkeparti 2011–19. Han var miljøvernstatsråd i Bondevik II-regjeringa i 2004–05, den yngste statsråden KrF har hatt.

Kolbjørn Hauge

Kolbjørn Hauge, lærar og forfattar. Etter den skjønnlitterære debuten i 1991 har krimforteljingar frå vestlandske småbygder vorte varemerket hans. Heit juice (1993) vart kåra til beste krimroman i Norden, og for Død mann i boks (1995) fekk Hauge Rivertonprisen.

Kristian Halse

Kristian Halse, lærar og politikar, var ei drivande kraft i kulturlivet i Vefsn kommune. Han gav ut bøker og skreiv artiklar om historie og kultur i Mosjøen og Vefsn. Han skreiv òg artiklar om Helgelands kulturhistorie.

Kristin Halvorsen

Kristin Halvorsen, markant partileiar i SV i 15 år og tidlegare finansminister og kunnskaps- og forskingsminister. I 2005 blei ho den første kvinnelege finansministeren i Noreg.

Lars Holst

Lars Kristian Holst, pressemann og Venstre-politikar. Han skreiv i dei tidlege målblada og var ein sterk redaktør i Dagbladet.

Linda Hofstad Helleland

Linda Cathrine Hofstad Helleland, politikar og stortingsrepresentant for Høgre frå Sør-Trøndelag i fleire periodar. Ho er barne- og likestillingsminister.

Magnhild Hagelia

Magnhild Hagelia, politikar. Ho representerte Arbeidarpartiet på Stortinget i 16 år og var den første kvinna i presidentskapet.

Magnus Hydle

Magnus Hydle, stortingsreferent og statsrevisor, venstremann og målmann.

Marius Hægstad

Kristofer Marius Hægstad, forleggjar og språkforskar. Han skipa aviser og skule, blei den første professoren i landsmål og laga den første offisielle rettskrivinga for det nye landsmålet.

Morten Høglund

Morten Høglund, rådgivar og stortingsrepresentant for Framstegspartiet frå Akershus 2001—13 og statssekretær i Utanriksdepartementet frå 2013.

Nils Hjelmtveit

Nils Hjelmtveit, lærar og politikar for Arbeidarpartiet, som kyrkje- og undervisningsminister innførte han framhaldsskule, og han kjempa mot obligatorisk teoretisk ungdomsskule for alle elevar.

Odd Højdahl

Odd Højdahl var politikar, statsråd og seinare direktør i Statens arbeidstilsyn.

Olav Hindahl

Otto Bahr Halvorsen

Otto Bahr Halvorsen, politikar. Statsminister og formann i Høgre, som med fast hand styrte landet gjennom dei store streikane på tjuetalet. Halvorsen arbeidde for å betre vilkåra for sjuke og fattige.

Rasmus Hansson

Rasmus Johan Michael Hansson, biolog, forskar, miljøaktivist og tidlegare talsperson for Miljøpartiet Dei Grøne (MDG). Han var partiet sin første stortingsrepresentant (2013–2017).

Solveig Horne

Solveig Horne, butikkslaktar, stortingsrepresentant for Framstegspartiet frå Rogaland og barne-, likestillings- og inkluderingsminister i Solberg-regjeringa frå oktober 2013 til januar 2018.

Svein Harberg

Svein Harberg, sjølvstendig næringsdrivande, tidlegare ordførar i Grimstad og stortingsrepresentant for Høgre frå Aust-Agder sidan 2009.

Thomas Thomassen Heftye

Tord Hustveit

Tord Hustveit, student, politikar og leiar i Unge Venstre, ungdomsorganisasjonen til partiet Venstre, sidan 2013.

Torolv Hesthamar

Torolv Hesthamar, lokalpolitikar, eldsjel i mål- og kulturarbeid, stilsikker skribent og god talar, ofte med snert. Han var ei drivkraft bak skipinga av Landssamanslutninga for nynorskkommunar (LNK).

Trond Helleland

Trond Helleland, statsvitar og stortingsrepresentant for Høgre frå Buskerud sidan 1997. I oktober 2013 vart han parlamentarisk leiar.

Valgerd Svarstad Haugland

Valgerd Svarstad Haugland, lærar, fylkesmann og tidlegare statsråd. Ho var den første kvinnelege partileiaren for Kristeleg Folkeparti og ein av dei mest profilerte politikarane i Noreg ved inngangen til 2000-talet.

Vidar Helgesen

Vidar Helgesen, jurist, diplomat, politikar og statsråd frå oktober 2013. Han overtok som klima- og miljøminister i desember 2015, og hadde rolla til og med januar 2018.

Viggo Hansteen

Dagen i dag Juli 2019

Nynorsk kulturhistorie
All verdas språk

Søk

Skoltesamisk - Det skoltesamiske ordet for ‘kyrkje’, ceerkav, er av russisk opphav.

Nynorsk skriftkultur år for år 1646—2018.