Sigvald Oppebøen Hansen

Sigvald Oppebøen Hansen er fødd i Nissedal. Han tok handelsskule 1969–1970 og Postskolen 1970–1971. Hansen arbeidde som butikkmedarbeidar 1966–1967, var sjømann 1967–1968, arbeidde som postbod i Oslo 1969–1978 og som landpostbod i Treungen 1978–1993.

Sigvald Oppebøen Hansen var kommunestyrerepresentant i Nissedal 1983–1987, medlem av styret for Telemark Arbeidarparti frå 1989 og medlem av fylkestinget i Telemark 1983–1993. I perioden 2015–2019 var han igjen medlem av fylkestinget i Telemark, og han var 2019–2023 fylkestingsrepresentant i det sammenslåtte Vestfold og Telemark fylke.

I 1993 blei han vald inn på Stortinget frå Telemark. Han vart attvald ved stortingsvala 1997, 2001, 2005 og 2009, og satt 20 år samanhengande på Stortinget. Han takka nei til attval til Stortinget før stortingsvalet i 2013. Hansen var varasekretær 1997–2001 og sekretær 2001–2005 i Odelstinget. I løpet av dei tjue åra han var stortingsrepresentant var han medlem av ulike komitear. Han sat i kontroll- og konstitusjonskomiteen 1993–1997, kyrkje-, utdannings- og forskingskomiteen 1997–2001, kommunalkomiteen 2001–2005, næringskomiteen 2005–2009 og 2009–2013, og til sist justiskomiteen 2009–2013.

Sigvald Oppebøen Hansen har hatt mange offentlege verv. Han var medlem av Kringkastingsrådet 2014–2021 og styreleiar i det interkommunale selskapet Gea Norvegica Geopark. Han var leiar av Noregs Ungdomslag i Treungen 1979–1993 og nestleiar i Norsk Postforbund i Aust-Agder 1990–1993. Han var leiar av Løvebakken Mållag 2001–2005.

• Arbeidarpartiet
• Stortinget
• stortingsrepresentant
• Odelstinget

• Stortinget: Sigvald Oppebøen Hansen