Faktaboks

Kårstein Eidem Løvaas
Fødd
10. november 1967, New Orleans, USA
Kårstein Eidem Løvaas.

Kårstein Eidem Løvaas er tidlegare stortingsrepresentant for Høgre frå Vestfold i 2013–2021 og tidlegare programleiar og programsjef i P4.

Bakgrunn

Kårstein Eidem Løvaas er fødd i New Orleans i USA og voks opp i Sør-Odal i Hedmark (no Innlandet). Han var elev ved Øvrebyen videregående skole i Kongsvinger i 1983–1987, inkludert eitt år utveksling ved Rutherford High School i Florida i 1985–1986. Han tok befalskulen i Hæren i 1987–1989 og studerte sosialøkonomi ved forvaltningslinja ved Universitetet i Lund i Sverige i 1989–1993, men fullførte ikkje studiet.

Eidem Løvaas arbeidde deltid som salssjef ved marknadsavdelinga til Norges Blindeforbund i 1988–1997, var programleiar i Z-radio i Sverige i 1991–1994 og programleiar i P4 Radio Hele Norge i 1994–2013. Han var programsjef i P4 i 1998–1999 og arbeidde som informasjonsrådgivar i Vestfold fylkeskommune i 2004–2005.

Politisk karriere

Han var styremedlem i Kongsvinger Unge Høgre i 1984–1985 og styremedlem i Nøtterøy Høgre i 2005–2007. I perioden 2007–2011 var han medlem av kommunestyret i Nøtterøy og leiar av hovudutvalet for oppvekst og kultur. I 2013–2021 var han vald inn som stortingsrepresentant for Høgre frå Vestfold. På Stortinget var han medlem av familie- og kulturkomiteen i 2013–2017 og av næringskomiteen i 2017–2021, og var mediepolitisk talsmann for Høgre.

Andre verv

Eidem Løvaas var leiar av Forsvarsforeningens ungdom i Kongsvinger i 1984–1986 og leiar i Kongsvinger Riksmålsforening i 1985–1987. Han var òg president i ANSA då han studerte ved Universitetet i Lund.

Les meir i Store norske leksikon

Eksterne lenker

Kommentarar

Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.

Du må være logga inn for å kommentere.

eller registrer deg