Faktaboks

Paul Svarstad
Fødd
6. mars 1917, Innvik i Stryn, Vestland
Død
3. april 1998
Paul Svarstad

Paul Svarstad var gardbrukar, journalist og politikar. Han var redaktør i avisa Fjordingen i Stryn og seinare frilansjournalist, og sat på Stortinget i to periodar, frå 1965 til 1973.

Av /Stortingsarkivet/Scanpix.

Paul Svarstad var gardbrukar, journalist og stortingsrepresentant.

Paul Svarstad var fødd i Stryn. I ungdomsåra var han elev ved Framnes ungdomsskule i Norheimsund i 1931–1932 og 1935 og lærling på Statens Forsøksgard Njøs i 1935. Han arbeidde elles som skogsarbeidar, hestehandlar og sagmeister, før han overtok farsgarden i 1947. I 1949–1952 var han redaktør i avisa Fjordingen i Stryn, og han arbeidde som frilansjournalist i perioden 1975–1986.

Under andre verdskrigen gjekk Svarstad i motstandsrørsla si teneste. Han vart vald inn i kommunestyret i Innvik første gongen i 1952, og han var aktiv i lokalpolitikken fram til 1979, i 1975–1976 som ordførar i Stryn kommune. Svarstad hadde bak seg leiarverv i høgrelaga i Gloppen og Innvik før han gjekk inn som formann i fylkeslaget i 1962–1964. I 1965 vart han vald inn som stortingsrepresentant for Høgre frå Sogn og Fjordane, med Strynefjellsvegen som fanesak. Han hadde fast plass på Stortinget i to periodar, som medlem av samferdselskomiteen.

Svarstad hadde fleire offentlege og administrative verv, mellom anna som leiar for Nordfjord Kjøttindustri 1961–1963, Rådet for Nordfjord Meieri 1960–1964, Rådet i Vestlandsbanken 1978–1986 og Statens Landbruksbank 1982–1983. Han var ein ivrig lokalhistorisk skribent og skreiv ei sogebok om Innvik i 1981.

Les meir i Store norske leksikon

Eksterne lenker

Kommentarar

Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.

Du må være logga inn for å kommentere.

eller registrer deg