Hopp til innhold
X
Innhald

IRA

Irish Republican Army, IRA, Den irske republikanske armé, er ein irsk kamporganisasjon som spelte ei avgjerande rolle i frigjeringskrigen mot Storbritannia i åra 1919–21, men vart illegal frå 1931.
IRA kjempar for eit samla Irland uavhengig av Storbritannia. I 1969 vart organisasjonen splitta opp i fraksjonar: det provisoriske og det offisielle IRA. Den siste varianten er oppløyst. No samarbeider IRA med det legale partiet Sinn Féin. Den irske kamporganisasjonen har gjennomført ei rekkje attentat og terrorhandlingar både på irsk og engelsk jord og har stor støtte hos katolikkane i Nord-Irland. IRA erklærte våpenkvile i 1994. I 1999 førte den nord-irske fredsprosessen til danninga av ei koalisjonsregjering der Sinn Féin er med. I 2001 byrja IRA å levere inn delar av våpenlagera. Trass i tilbakeslag er hovudtrekka i fredsprosessen oppretthaldne.

 
Redigert og omsett frå Caplex, digital utgåve 2000–2006
Einerett for nynorsk utgåve etter avtale med Cappelen Damm 2009
 


Sist oppdatert: 03.04.2014