Hopp til innhold
X
Innhald

Trygve Bjørgo

Trygve Bjørgo (1916–1999) var fødd i Nord-Aurdal og verka som lektor i Grimeland, Vinstra og Valdres.

I mange år var han rektor ved Valdres Gymnas, som han var med å skipa. Han debuterte som lyrikar i 1952 med I minneskogen. Medvitet hans om samtida syner seg i at han kjenner seg heime i rimdiktet, rett nok ganske fritt, men orienterer seg mot det frie verset alt på 1960-talet.

Bjørgo skriv om sentrallyriske emne som kjærleik, død, lengt og sorg, men han har også skarpe observasjonar om fenomen i samtida. Han var også ein mykje brukt kåsør i NRK og han var engasjert i kulturarbeid og målorganisasjonar. Den siste samlinga hans var Straumar under yta (1986).


Om artikkelen

Kjeldeliste til Jan Inge Sørbø: Nynorsk litteraturhistorie. Det Norske Samlaget 2018.

Artikkelen er henta frå Jan Inge Sørbø: Nynorsk litteraturhistorie. Det Norske Samlaget 2018. Publisert digitalt etter avtale med forlaget og forfattaren. Prosjektet er ein del av feiringa av 150-årsjubileet til Det Norske Samlaget og 10-årsjubileet til Allkunne.

Først publisert: 18.06.2018
Sist oppdatert: 11.10.2018