Utlysing er ei kunngjering av ei ledig stilling. Hovudregelen i staten, som går fram av statsansatteloven § 4, er at alle ledige embete og andre stillingar skal lysast ut offentleg. Sidan 2005 skjer dette på NAV (tidlegare Aetat) sin søkbare database, men det gjeld unntak for nokre kortvarige midlertidige stillingar, noko som kan gå fram av lov, forskrift eller tariffavtale.
Fram til 2005 var ordninga at ledige stillingar i staten måtte kunngjerast i Norsk Lysingsblad(papirversjonen). Samstundes med at utlysingane blei overførte til Aetat (seinare NAV) sin database, blei Norsk Lysingsblad elektronisk og utan stillingsannonsar.
For kommunale og fylkeskommunale stillingar er det inga lovfesta plikt til utlysing. I praksis går det likevel fram av kvalifikasjonsprinsippet at stillingar blir lyste ut på same måte som i staten.
I privat sektor finst det inga lovregulering av utlysingar.
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.