Faktaboks

Peter Skovholt Gitmark
Fødd
15. april 1977, Kristiansand, Agder
Peter Skovholt Gitmark.

Peter Skovholt Gitmark er siviløkonom og tidlegare stortingsrepresentant for Høgre frå Vest-Agder i 2005–2013.

Bakgrunn

Peter Skovholt Gitmark er fødd i Kristiansand i Vest-Agder (no Agder). Han gjekk på Kristiansand katedralskole i 1993–1997 og er utdanna siviløkonom frå Norges Handelshøyskole i Bergen i 2003. Han har arbeidd som seniorrådgjevar for kommunikasjonsbyrået Burson-Marsteller. I 2013 byrja han i Amrop, der han vart partnar.

Politisk karriere

Gitmark var leiar av Vest-Agder Unge Høgre i 1996–1998, medlem av sentralstyret i Unge Høgre i 1998–2000, representant for Høgre i Vest-Agder fylkesting i 1999–2003 og leiar av Vest-Agder Høgre i 2004–2008. Han var vararepresentant til Stortinget i perioden 2001–2005, men møtte fast for statsråd Ansgar Gabrielsen heile perioden. Han var innvald som stortingsrepresentant for Høgre frå Vest-Agder i 2005–2013.

Dei viktigaste politiske sakene hans var å kjempe mot diktatur og for menneskerettar, med vekt på Afrika, synleg politi, miljø og vegutbygging.

Andre verv

Gitmark var med i styret for Vest-Agder NGS i 1995–1997 som økonomiansvarleg og politisk nestleiar, medlem av styret i International Young Democrat Union i 2003–2004, nestleiar i 2004–2006 og leiar i 2006–2009, og visepresident i det internasjonale styret for Atlantic Association of Young Political Leaders (AAYPL) i 2008–2009. Han vart styremedlem i Europabevegelsen i Vest-Agder og medlem av representantskapet i Stefanusalliansen i 2011. Han var med å starte opp Sørlandsnettverket i 2011.

Les meir i Store norske leksikon

Eksterne lenker

Kommentarar

Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.

Du må være logga inn for å kommentere.

eller registrer deg