Aldor Ingebrigtsen var fiskar, organisasjonsmann og politikar i Arbeidarpartiet.
Aldor Ingebrigtsen
Faktaboks
Aldor Ingebrigtsen
- Fødd
- 16. februar 1888, Tromsøysund (no Tromsø)
- Død
- 14. november 1952, Oslo
- Verke
- Fiskar, organisasjonsmann og politikar
- Familie
-
Foreldre: Fiskarbonde Ingebrigt Bertheus Hansen (1860–1932) og omsorgsbonde Rebekka Elisabeth Hansine Villumsdatter (1867–1950).
Gift 1) 7.12.1919 med Thora Louise Johnsen (f. 1898), dotter til fiskarbonde Tobias Johnsen og omsorgsbonde Louise Johnsen, ekteskapet oppløyst 1945; 2) 1951 med fullmektig Gudrun Jacobsen (f. 1897).
Politisk karriere
Ingebrigtsen var stortingsrepresentant for Troms mellom 1921 og 1952. Frå 1945 var han president i Lagtinget. Ingebrigtsen var den fremste representanten for nordnorsk fiskarbondesosialisme. I 1915 var han sentral i stiftinga av Nord-Norges fiskerforbund, der han var formann frå 1916 til 1930, då organisasjonen gjekk inn i Norges Fiskarlag (stifta 1926). Etter det var han formann i Troms fiskarfylking, til han vart tilsett som fiskeriinspektør i Troms i 1939.
Ingebrigtsen arbeidde som fiskar til 1916, og var formann i Nord-Noregs fiskarforbund i åra 1916–1939. Ingebrigtsen reiste Nord-Noreg på kryss og tvers som agitator og stifta over 100 fiskarlag. På Stortinget representerte han interessene til kystfiskarane, men han var også svært oppteken av å utvikle kommunikasjonane i nord.
Les meir i Store norske leksikon
Litteratur
- Kristoffersen, Ivan: Aldor: kystens og fiskernes høvedsmann, 1993
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.