Faktaboks

Ulf Erik Knudsen
Fødd
20. desember 1964, Drammen, Buskerud
Ulf Erik Knudsen i 2005.
Ulf Erik Knudsen i 2005.
Av /NTB.

Ulf Erik Knudsen er ein norsk politikar for Framstegspartiet som var stortingsrepresentant frå Buskerud 1997–2013.

Bakgrunn

Ulf Erik Knudsen er fødd i Drammen. Han gjekk på Drammen handelsgymnas 1980–1983, studerte marknadsføring ved Gjerdes handelsskole 1984–1985 og blei diplomøkonom ved Bedriftsøkonomisk Institutt 1989. Knudsen arbeidde i reklamebyrå 1983–1984, som journalist i Nye Morgenbladet 1989–1993, tok diverse konsulentoppdrag 1993–1994 og var konsulent ved Arbeidsmarknadsetaten 1994–1997.

Politisk karriere

Knudsen var leiar av Drammen FpU 1985–1989, medlem av styret i Drammen Frp i 1986–1997, medlem av Drammen bystyre 1987–1995 og 2003–2011, satt i formannskapet 1995–1999 og var varamedlem til fylkestinget i Buskerud 1987–1991. Han var fylkesleiar i Buskerud Frp 1995–1998 og 2007–2009, studieleiar i 2000–2001, nestformann 2005–2006 og medlem av Frps landsstyre i 1995–1998.

I perioden 1997–2013 var han innvald som stortingsrepresentant frå Buskerud. Knudsen var medlem av kyrkje-, utdannings- og forskingskomiteenStortinget 1997–2001, av familie– og kulturkomiteen 2001–2009, og 2009–2013 av kontroll- og konstitusjonskomiteen.

Knudsen har óg vore medlem av i styret i Israels venner (1998–2009) og Den norske Tibetkomité (2009–).

Les meir i Store norske leksikon

Eksterne lenker

Kommentarar

Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.

Du må være logga inn for å kommentere.

eller registrer deg