Storvesir var tittelen på regjeringssjefen i fleire muslimske land, mest kjend frå Det osmanske riket.
Vesir var frå tidleg islamsk tid ein tittel for ministrane til kalifar og sultanar. I Det osmanske riket var storvesiren den absolutte representanten for sultanen og fekk besegle dokument med hans signetring, men den verkelege makta til storvesiren varierte etter kva energi og kraft som låg hos monarken. Storvesiren førte framsetet i ministerrådet. Embetet vart avskaffa av Mustafa Kemal saman med sultanatet i 1922.
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.