Marianne Aasen er ein norsk politikar for Arbeidarpartiet som var stortingsrepresentant frå Akershus i 2005–2017. I perioden 2009–2013 var ho leiar av kyrkje-, utdannings- og forskingskomiteen.
Marianne Aasen
Faktaboks
Marianne Aasen
tidl. gift Agdestein
- Fødd
- 21. februar 1967, Bergen
Bakgrunn
Marianne Aasen er fødd i Bergen og voks opp i Moss i Østfold. Ho har examen artium frå Malakoff videregående skole i 1986 og tok hovudfag i statsvitskap ved Universitetet i Oslo i 1993, med faga historie, sosialøkonomi og statsvitskap.
Aasen arbeidde som journalist i Arbeiderbladet i 1991–1993 og i Avisenes Nyhetsbyrå i 1993–1995. Ho var informasjonssjef i Europabevegelsen i 1998–2000, og etter tida på Stortinget har Aasen vore direktør for Simula School of Research and Innovation (Simulaskolen).
Politisk karriere
Aasen var leiar av Asker Arbeidarparti i 2003–2004 og styremedlem frå 2004. Aasen var politisk rådgivar i stortingsgruppa til Arbeidarpartiet i 1995–1996 og 2001–2005, samt politisk rådgivar i kommunal- og regionaldepartementet i 2000–2001 i regjeringa Stoltenberg I. Ho var innvald stortingsrepresentant for Arbeidarpartiet frå Akershus i 2005–2017, og var i 2009–2013 leiar av kyrkje-, utdannings- og forskingskomiteen på Stortinget.
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.