Hans Engelsen Eide er ein norsk tidlegare skiløpar, og gründer. I OL i 1998 kom han på andreplass i kulekøyring (freestyle), og grunnla seinare ski- og klesfirmaet Skigutane.
Engelsen Eide er fødd på Voss i Hardanger, og fullførte Voss Gymnas 1984. Han var på landslaget i kulekøyring i ti år, frå 1984 til 1994, og var i alt med i 100 verdscuprenn. Han vann tre av desse, og var på pallen i fjorten renn. I 1991 kom han på andreplass samanlagt i verdscupen, i 1989 på tredjeplass og i 1990 på fjerdeplass. I OL i Calgary i 1988, då kulekøyring var demonstrasjonsgrein, kom han på andreplass. Han var òg med under Lillehammer-OL i 1994, og vart då nummer femten. Han gjekk til topps i noregsmeisterskap åtte gonger, og blei tildelt kongepokalen i 1991.
I 1989 grunnla han firmaet Skigutane. I 2010 selde Engelsen Eide det meste av aksjane sine i Skigutane til Holta invest, men han er framleis tilsett i selskapet.
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.