Hopp til innhold
Ottar Grepstad

Nynorsk kulturhistorie


29.3.1864 blir den reviderte utgåva av Ivar Aasens Norsk Grammatik annonsert, utgitt av P. T. Mallings Forlagsboghandel.
 
29.3.1908 blir den nynorske altarboka for første gong brukt, ved gudstenesta i Slottskapellet i Oslo (sjå 28.10.1907).
 
29.3.2005 sender NRK2 det første av tre program i serien Radio Røynda av programskaparane Finn Tokvam, Halvor Folgerø og Odd-Erik Lothe.
 

All verdas språk

29. mars 1927 blir den norske radiojournalisten Bjørge Lillelien fødd.
Han tek journalistutdanning i USA og arbeider som journalist i Drammens-avisa Fremtiden før han i 1957 kjem til NRK. Der utviklar Lillelien eit språk for sportsjournalistikk som knapt nokon kan gjere han etter. Det legendariske høgdepunktet når han då han 9. september 1981 skal avslutte sendinga frå ein VM-kvalifiseringskamp i fotball på Ullevaal Stadion. Det skal vere stortingsval i Noreg fire dagar seinare, og Lillelien får alt med:
«Der blåser han! Norge har slått England 2-1 i fotball! Vi er best i verden! Vi er best i verden! Vi har slått England 2-1 i fotball! Det er aldeles utrolig! Vi har slått England! England, kjempers fødeland – Lord Nelson, Lord Beaverbrook, sir Winston Churchill, sir Anthony Eden, Clement Attlee, Henry Cooper, Lady Diana, vi har slått dem alle sammen, vi har slått dem alle sammen. Maggie Thatcher, can you hear me? Maggie Thatcher, jeg har et budskap til deg midt under valgkampen, jeg har et budskap til deg: Vi har slått England ut av verdensmesterskapet i fotball. Maggie Thatcher, som de sier på ditt språk i boksebarene rundt Madison Square Garden i New York: – Your boys took a hell of a beating! Your boys took a hell of a beating! Maggie Thatcher: Norge har slått England i fotball! Vi er best i verden!»
Sist oppdatert: 30.01.2014