Hopp til innhold

Eit språk blir til: 1934

1.1. tek Olav Midttun til som riksprogramsjef i Norsk Rikskringkasting; han blir avsett av NS 28.9.1940.

1.2. tek Karl C. Lyche til som første nynorsktalande hallomannen i NRK.

15.3. tek rettssaka mot Gustav Indrebø til (sjå 1933). Dommen fell 26.3.: Indrebø blir dømd til å betale ei bot på 600 kroner og dekkje 1000 kroner av sakskostnadene.

28.4. forkastar Høgsterett ein appell frå Indrebø i rettssaka. Landet rundt blir det samla inn pengar til Indrebø, som set midlane i eit fond som skal brukast til arbeidet for nynorsk skulemål.

20.6. kjem første ordinære nummer av Nynorsk Vikeblad ut (sjå 1933). Dette nummeret blir trykt i 25 000 eksemplar. Bladet samarbeider med Illustrert Familieblad til 1940, og blir så drive som eineføretak av Hans Aarnes til 1954. 

13.10. debuterer Bjørn Rongen med romanen To semester på Olaf Norlis forlag.

26.10. debuterer Aslaug Vaa med diktsamlinga Nord i leite på Gyldendal Norsk Forlag.

5.12. omtalar Ola Raknes debutromanen Men det var det ingen som visste av Lars Berg i NRK Radio. Boka er nettopp komen ut på Tiden Norsk Forlag, som framhevar at forfattaren er formann i Norsk Lærarmållag.

26.12. er det premiere på den første spelefilmen med nynorsk tale, Liv etter forteljinga ”Liv” av Kristofer Janson, med manus og regi ved Rasmus Breistein og med Tordis Maurstad og Alfred Maurstad i hovudrollene. Det er berre tre år sidan den første norske lydfilmen blei laga. Det var til no også laga fleire stumfilmar bygde over nynorske romanar og forteljingar. Eksteriørscenene er spelt inn i Vågå.

Magnus Buflod debuterer med diktsamlinga På leiting på eige forlag på Voss. 

Aslaug Vaa debuterer med diktsamlinga Nord i leite på Gyldendal Norsk Forlag.

Nasjonal Samling tek solkorset til partiemblem, og Noregs Ungdomslag tek i staden i bruk pila som lagsmerke, teikna av Carsten Lien.

Medisinarmållaget EIR blir skipa.


Sist oppdatert: 07.08.2020