Hopp til innhold

Eit språk blir til: 1963

28.4. blir L/L Dag og Tid skipa med Bjarne Lyngstad som første styreformannen.

4.5. går prost Alv Askeland i Sunnhordland i ein artikkel i Nationen inn for å skipe eit bygdeuniversitet ved baroniet i Rosendal, som Universitetet i Oslo eig. Han viser til at mange viktige lærestader ligg utanfor hovudstadene og dei store byane. Dette framlegget blir etter kvart realisert som Akademiet i Rauland, som opnar 1972 (sjå 1969, 1972, 1973).   

25.5. offentleggjer Gula Tidend vinnarane i ein konkurranse om beste bryllaupssong, arrangert av Sunnmøre Målkontor. Det kom inn 287 songar frå 102 diktarar, og Marie Lovise Widnes Johansen og Anna Skeide delte førsteplassen. Jostein Fet, Henrik Straumsheim og Lars Tjensvoll utgjorde juryen.

1.9. kjem det første ordinære nummeret av Dag og Tid, med Olav Rytter som ansvarleg redaktør (sjå 1962).

3.10. lanserer J. W. Cappelens Forlag debutanten Einar Økland, som gir ut diktsamlinga Ein gul dag.

9.11. debuterer Anna Sandnes med barneboka Basta Bom på Det Norske Samlaget.  

 


Sist oppdatert: 06.08.2020