Erna er eit kvinnenamn som er kortform av Ernestine og Ernesta som begge er avleidde av det tyske mannsnamnet Ernst, eit opphavleg tilnamn som går tilbake til ordet ernust i eldre tysk med tydinga ‘alvor’.
Erna
Kjende personar med namnet Erna
Eit utval personar med namnet Erna, og som er omtalt i Store norske leksikon:
- Erna Sack (1898)
- Erna Ingeborg Moen (1926)
- Erna Osland (1951)
- Erna Solberg (1961)
Namnestatistikk
I 2022 var det 1 836 kvinner i Noreg som hadde Erna som det einaste førenamnet eller som det fyrste av fleire.
Utvikling i bruk av namnet
Erna er blant dei tostava namna på -a som nådde toppen rundt 1900. Andre døme er Arna, Berta, Gerda, Magda, Olga og Ragna. I motsetning til for eksempel Emma, Ella, Ebba, Laura og Klara fekk ikkje desse namna ein ny topp rundt år 2000. Dette kan kanskje ha samanheng med at dei – som Magda og Ragna – har ein meir komplisert konsonantstruktur i innlyd - jamfør [rn] i Erna med [r] i Klara. Elles har ikkje førenamn på politikarar, til dømes Erna (Solberg), ført til oppsving for namnet – i motsetning til for eksempel namn på kongelege personar og idrettsfolk (prinsesse Astrid og Gjermund Eggen).
Geografisk variasjon på 1800-talet
Erna var klart mest brukt i Bergen.
Les meir i Store norske leksikon
- kvinnenamn
- førenamn, mellomnamn, etternamn
- personnamn
- Om namneartiklane på snl.no
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.