Toralf er eit mannsnamn som kjem av det norrøne Þór-alfr. I dette toledda namnet er forleddet gudenamnet Tor. Etterleddet tyder ‘alv’ (eit underjordisk vesen). Toralf kom i bruk att i 1830-åra.
Toralf
Kjende personar med namnet Toralf
Eit utval personar med namnet Toralf, og som er omtalt i Store norske leksikon:
- Toralf Andreas Vold Sandø (1899–1970)
- Toralf Lyng (1909–2005)
- Toralf Tollefsen (1914–1994)
- Reidar Toralf Larsen (1923–2012)
- Toralf Engan (1936)
Namnestatistikk
I 2022 var det 488 menn i Noreg som hadde Toralf som det einaste førenamnet eller som det fyrste av fleire.
Utvikling i bruk av namnet
Toralf høyrer til ei stor gruppe samansette nordiske namn som hadde toppfasen sin i kortare eller lengre tid innanfor perioden 1890–1969. I tillegg til Toralf, som var på topp 1895–1899, gjeld dette til dømes Arnfinn, Arnulf, Asbjørn, Dagfinn, Gudmund, Jostein, Kolbjørn, Oddbjørn, Oddvar, Ragnvald, Sigmund og Torbjørn.
Geografisk variasjon på 1800-talet
Toralf var mest brukt i Kristiania. (I søylene inngår det også ein eller fleire stavevariantar, til dømes Thoralf.)
Les meir i Store norske leksikon
- mannsnamn
- førenamn, mellomnamn, etternamn
- personnamn
- Om namneartiklane på snl.no
UiT Norges arktiske universitet
er ein av institusjonene som står bak Store norske leksikon.
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.