Tormod er eit mannsnamn som går tilbake til det norrøne Þor-móðr der forleddet er gudenamnet Tor. Etterleddet tyder ‘mot’. Det er også mogleg at namnet er laga til det norrøne adjektivet þormóðr med tydinga ‘modig’.
Tormod
Kjende personar med namnet Tormod
Eit utval personar med namnet Tormod, og som er omtalt i Store norske leksikon:
- Tormod Kolbrunarskald (997)
- Tormod Torfæus (1636)
- Tormod Skagestad (1920)
- Tormod Hermansen (1940)
- Tormod Engelsviken (1943)
- Tormod Haugen (1945)
- Kjell Tormod Pettersen (1955)
- Tormod Haugland (1962)
- Tormod Løkling (1964)
- Tormod Cappelen Endresen (1966)
Namnestatistikk
I 2022 var det 2 788 menn i Noreg som hadde Tormod som det einaste førenamnet eller som det fyrste av fleire. I 2022 var det 7 gutar som fekk namnet Tormod.
Utvikling i bruk av namnet
Tormod høyrer til ei stor gruppe samansette nordiske namn som hadde toppfasen sin i kortare eller lengre tid innanfor perioden 1890–1969. I tillegg til Tormod, som var på topp 1930–1964, gjeld dette til dømes Arnfinn, Arnulf, Asbjørn, Dagfinn, Gudmund, Jostein, Kolbjørn, Oddbjørn, Oddvar, Ragnvald, Sigmund og Torbjørn.
Utvikling i bruk av namnet Tormod frå 1800
Av
Gulbrand Alhaug / Erik Bolstad/Store norske leksikon.
Lisens:
CC BY SA 4.0
Geografisk variasjon på 1800-talet
Tormod var klart mest brukt i Rogaland.
Geografisk variasjon i bruk av namnet Tormod på 1800-talet.
Av
Gulbrand Alhaug / Erik Bolstad/Store norske leksikon.
Lisens:
CC BY SA 4.0
Tormod var klart mest brukt i Rogaland. (I søylene inngår det også ein eller fleire stavevariantar, til dømes Thormod.)
Historisk bruk av namnet Tormod
Av
Gulbrand Alhaug / Erik Bolstad/Store norske leksikon.
Lisens:
CC BY SA 4.0
Les meir i Store norske leksikon
- mannsnamn
- førenamn, mellomnamn, etternamn
- personnamn
- Om namneartiklane på snl.no
Litteratur
- Janzén, Assar 1947: De fornvästnordiska personnamnen. [Nordisk kultur 7].
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.