Burusjaskisk er eit språk som blir brukt i Karakorumfjella i dei vanskeleg tilgjengelege områda langs Hunza-elva i det aller nordlegaste hjørnet av Kashmir (Pakistan). Det er nærmare 100 000 personar som snakkar språket (2000). Det har ikkje vore mogleg å påvise slektskap mellom burusjaski og noko anna språk i verda.
Burusjaski har ingen formell status og blir lite nytta som skriftspråk.
Språket heiter buruɕaaski på burusjaski. I Nagar kallar dei språket kʰaʑuna. Ein person som høyrer til den etniske gruppa som snakkar språket, er ein buruɕin, i fleirtal buruɕo. Dialekten i Yasin er kjend under namnet «werchikwar». Ein person frå Hunza heiter hunzo, fleirtal hunzukuts.
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.