Gunnvor Rundhovde var ein norsk filolog og dialektforskar. Forskinga resulterte i eit doktorarbeid, og ho var den første kvinna som disputerte ved Universitetet i Bergen.

Gunvor Rundhovde var fødd og vaks opp på Valestrandsfossen. Ho arbeidde og budde i Bergen. Etter examen artium i 1938 tok ho til med filologisk studium ved Bergens Museum året etter. Under krigen veksla ho mellom målføreinnsamling og arbeid i skulen. Rundhovde var dagleg leiar ved Målføresamlinga frå 1956 til 1972. Dette bana vegen for eit omfattande forskarliv knytt til Nordisk institutt ved Universitetet i Bergen som amanuensis i nordisk språkvitskap 1956–66, førsteamanuensis 1966–71, dosent 1971–83 og til sist professor 1983–86.

Ho avslutta hovudoppgåva si om lydverket i Hamre-målet hausten 1948 og var ferdig cand.philol. i 1953. I 1962 ferdigstilte ho avhandlinga «Målet i Hamre. Ljodvokster og stutt utsyn over formverk i eit Nordhordlandsmål». Ho disputerte i 1965 med avhandlinga om Hamre-målet. I 1975 kom «Åsane-målet» som del av Åsane bygdebok.

Les meir i Store norske leksikon

Litteratur

  • Nes, O. (1996): «Gunnvor Rundhovde», i Bondevik, Dahl, Aarnes (red.): Fagprofilar ved Nordisk institutt, Universitetet i Bergen 1946–1996.

Kommentarar

Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.

Du må være logga inn for å kommentere.

eller registrer deg