B

Aina Basso

Aina Irene Basso, historikar med kvensk bakgrunn på farssida og forfattar av historiske romanar der unge kvinner er hovudpersonar, med handling frå 1600-, 1700- og 1800-talet.

Arne Bjørndal

Arne Bjørndal, forskar, folkemusikksamlar, folkemusikar og ekspert på talar og songar til bryllaup.

Arnfinn Bruflot

Arnfinn Bruflot, norskamerikansk handverkar, redaktør, forfattar og målmann. Bruflot er den siste norskamerikanaren som har skrive om livet som utvandrar på nynorsk.

Arnt Birkedal

Arnt Birkedal, forfattar av dikt, romanar og kortprosa både for barn, ungdom og vaksne. Kreativ språkleik og skiftande sprang mellom kvardag og fantasi er særpreg ved diktinga hans.

Arve Brunvoll

Arve Brunvoll er prest, professor og salmediktar. Han var med i redaksjonen for Norsk Salmebok (1985), og han har omsett fleire tekstar som har vorte svært populære.

Bernhardine Catrine Brun

Bernhardine Catrine Brun, guvernante. Ho blei den første som publiserte ei heil diktsamling på landsmål.

Björk Bjarkadóttir

Björk Bjarkadóttir er forfattar, grafisk designar og illustratør av barnebøker. Bøkene hennar er kjenneteikna av fargerike og harmoniske illustrasjonar, som tek opp daglegdagse tema for dei unge lesarane.

Brit Bildøen

Brit Bildøen, forfattar av barnebøker, romanar og lyrikk, og har i tillegg arbeidd med gjendiktingar.

Dagmar Blix

Dagmar Blix, lærar og forfattar frå Lofoten, har skrive over 20 bøker, mest for barn og ungdom, og er rekna som ein av dei sentrale barnebokforfattarane i Nord-Noreg. Forankra i ein eldre forteljartradisjon ville ho formidle dei fortidige livsvilkår på kysten i nord til ein ny generasjon.

Elias Blix

Elias Blix var professor og politikar, men framfor alt kjend som salmediktar og bibelomsetjar. Gjennom salmane og omsetjinga av Det nye testamentet står Blix som den fremste pioneren for nynorsk kyrkjespråk.

Else Karin Bukkøy

Else Karin Bukkøy, barnevernssjef og forfattar som skriv noveller, romanar og ungdomsbøker.

Engvald Bakkan

Engvald Bakkan, apotekar og forfattar, var ei lågmælt forfattarrøyst frå skog- og heiebygda Åmli i Aust-Agder. Han skildra tragiske menneskelagnader frå åmlisoga i trilogien Krossen er din (1947–52), men kom lenge i skuggen av litteraturen frå sørlandskysten, som i lang tid definerte diktinga på Agder.

Geirdis Bjørlo

Geirdis Bjørlo, barnebokforfattar, regissør, skodespelar og dokkemakar.

Gunstein Bakke

Gunstein Bakke er forfattar, diktar og omsetjar. Bakke sin forfattarskap er underfundig og underhaldande, intelligent og avansert.

Hallvard Bergh

Hallvard Arneson Ellestad Bergh, lærar, barnebokforfattar og folkeminnesamlar. Han skreiv både på dialekt, landsmål og riksmål.

Hanne Bramness

Hanne Bramness, norsk lyrikar, barnebokforfattar og gjendiktar, som debuterte i 1983 med diktsamlinga Korrespondanse. Ho har fått ei rad prisar for ein allsidig og kritikarrost forfattarskap.

Ingjald Bolstad

Ingjald Bolstad, folkehøgskulemann, skribent og talar.

Jan-Magnus Bruheim

Jan-Magnus Bruheim, diktar og forfattar. Han var først og fremst lyrikar, men skreiv også ein del prosa, deriblant ei rekkje barnebøker.

Jens Brekke

Jens Brekke, lærar, kulturarbeidar og songar frå Vik i Sogn. Han er ein framståande formidlar av Per Sivle si dikting, men har også skrive og framført ei rekkje eigne viser og småforteljingar.

Johanna Bugge Berge

Johanna Bugge Berge, kulturarbeidar og kunstnar som henta motiva sine frå natur, folkeliv og folkekunst i Telemark.

Johannes A. Barstad

Johannes Andreas Barstad var prest i Volda og på Voss. Han skreiv salmar, og han grunnla og redigerte i over førti år det kristelege målbladet Stille Stunder, som framleis kjem ut.

Johannes Belsheim

Johannes Engebretson Belsheim, husmannsgut og skomakarson frå Valdres som vart heidersmedlem av vitskapsselskapet i Praha. Midt i livet tok han avskil frå eit presteembete for å konsentrere seg om bibelgransking og anna forfattarverksemd.

Johannes Bull

Johannes Catharinus Bull, ingeniør og industrileiar, som helst skreiv engelsk eller landsmål, og som var ein viktig økonomisk hjelpar for mange nynorske aviser.

Julius Baumann

Julius Baumann, forfattar, foreiningsmann og folketalar som var ein svært viktig kulturpersonlegdom blant norske utvandrarar i USA og Canada.

Kari Bakke

Kari Kristina Lenvik Frydenlund Bakke, gründer, petitskribent og lyrikar, som skreiv på sognemål i delar av forfattarskapen sin.

Kolbjørn Brekstad

Kolbjørn Brekstad, skulemann og forfattar av historiske romanar for ungdom og vaksne. Aliaset hans er Allen Bergen.

Kåre Bjørgen

Kåre Bjørgen, lyrikar, skreiv dikt i nasjonalromantisk tradisjon. Han hadde sin poetisk mest produktive periode under krigen og fekk ettermælet farga av at han var aktiv i Nasjonal Samling.

Lars Berg

Lars Kornelius Edvard Berg var lærar og forfattar. Han var motstandsmann og krigsfange under andre verdskrigen. Berg tok initiativ til skipinga av Hålogaland Teater.

Magnhild Bruheim

Magnhild Bruheim er forfattar og journalist. Ho har mellom anna skrive fleire romanar i sjangeren bygdekrim og fleire spenningsromanar for ungdom.

Magnus Buflod

Magnus Buflod, lyrikar, målar og musikar frå Trysil.

Mary Bente Bringslid

Mary Bente Bringslid, sosialantropolog og barnebokforfattar som har studert den moderne norske bygdekulturen og vore ein representant for den nye forskinga på eige samfunn innanfor sosialantropologien.

Milada Blekastad

Milada Blekastad var ein særmerkt personlegdom i norsk kulturliv. Ho kom frå Praha til Noreg som ungjente. Her levde ho resten av livet og vart ein framståande formidlar av tsjekkisk litteratur og kultur.

Oddgeir Bruaset

Oddgeir Bruaset, journalist, programskapar og forfattar. Gjennom ei rekkje fjernsynsprogram og bøker har han formidla historiene til folk som bur og har budd på avsidesliggjande stader, mellom anna gjennom fjernsynsserien «Der ingen skulle tru at nokon kunne bu».

Olaf Berg

Olaf Berg var forretningsmann i Steinkjer, med kunstnarnamnet Martin Kvænnavika. Han var ein fargerik fargar, som levde eit eventyrleg liv på to kontinent, og han var ein frodig forteljar.

Olav Beito

Olav Toreson Beito, professor og nynorsk språkgranskar. Han studerte dialektar og stadnamn og gav i 1970 ut den største nynorske grammatikken etter Ivar Aasen.

Oskar Braaten

Oskar Alexander Braaten, heimstaddiktar, novellist, dramatikar, romanforfattar og bladmann som skildra fabrikkmiljøet på austkanten i Kristiania i første halvdelen av 1900-talet. Han skreiv lenge på nynorsk og blei ein viktig deltakar i målstriden.

Rune Belsvik

Rune Johan Belsvik, framståande, prislønt og nyorienterande forfattar av ei rekkje barne- og ungdomsbøker, romanar, noveller, dikt, forteljingar og skodespel i meir enn 30 år. Han har skrive bøkene om Dustefjerten og Verdas mest forelska par.

Sissel Solbjørg Bjugn

Sissel Solbjørg Bjugn, forfattar av skjønnlitteratur for barn og vaksne. Nokre av bøkene har ho sjølv illustrert.

Sturla Brørs

Sturla Brørs (1890–1986) var fødd på Namdalseid og var folkehøgskulelærar i Vefsn, på Sund og i Namdal.

Sverre By

Sverre Einride By, lærar, skulestyrar, målmann og forfattar av barne- og ungdomslitteratur.

Tove Bakke

Tove Bakke, omsetjar og gjendiktar av om lag 60 bøker og skodespel. Ho har omsett bøkene til Anna Gavalda til nynorsk.

Trygve Bjørgo

Trygve Bjørgo (1916–1999) var fødd i Nord-Aurdal og verka som lektor i Grimeland, Vinstra og Valdres.

Vidar Bergset

Vidar Bergset, lærar, kulturarbeidar og forfattar, har bak seg ein mangfelt forfattarskap, i fleire sjangrar.

Wilhelm Bødal

Wilhelm Bødal var lærar og forfattar og skreiv fleire bøker bygde på segner og historiske hendingar frå Indre Nordfjord.

Åsmund Bjørnstad

Åsmund Bjørnstad er professor i planteforedling, forfattar og gjendiktar. Naturen står i sentrum for arbeidet hans som forskar, formidlar og diktar. Som gjendiktar har han laga norske versjonar av krevjande og verdifull poesi.

Dagen i dag Sept 2018

Nynorsk kulturhistorie
All verdas språk

Søk

Pasjto - Pasjto mor mi og mor di tyder 'mor mi' og 'mor di'.

Nynorsk skriftkultur år for år 1646—2017.