Liv Randi Bjørlykke har arbeidd som journalist og lærar. Ho er ein kjend kåsør med humoristiske betraktningar frå eit tilsikta konservativt bygdeperspektiv. I kåseria har ho har mellom manna gitt uttrykk for lengt etter mannfolk med fiskeslo i barten i møte med 1990-talets mjuke menn.
Bjørlykke debuterte med Årbok frå folkedjupet: kåseri for folk som tenkjer i 1983 og har så langt gitt ut sju samlingar. Somme av dei er lagde i munnen på bygdedama Bø-Laura, i andre snakkar ho i første person.
Ho har også skrive bøker om misjon (Der brunosten sveittar, 1988) og gjeve ut fleire intervjubøker med sentrale personar i lekmannsrørsla. I 1990 gav ho ut barneboka Legge oss, nei!.
Bjørlykke fekk Sunnmøre Mållag sin målpris i 2014.
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.