Eirik Ingebrigtsen er ein norsk forfattar. Han debuterte i 2001 med romanen Vesen. Ingebrigtsen sin forfattarskap er prega av gode og uvanlege skildringar av einsemda til enkeltmennesket.
Eirik Ingebrigtsen
Faktaboks
Eirik Ingebrigtsen
- Fødd
- 5. mai 1975, Os, Hordaland
Foto: Tove K. Breistein
Forlaget Oktober.
Lisens:
Avgrensa gjenbruk
Eirik Ingebrigtsen. Vesen. Oktober.
Forfattarskapen
Snø dempar lyd, tre lukkar inne (2003) beskriv tre generasjonar menn i ein familie som bevegar seg mot fullstendig oppløysing, skildra med stor sårheit og innsikt. Vendrakovic (2006) og Viddesyn (2009) fjernar seg frå det maskuline perspektivet med dei sterke kvinneskikkelsane sine. Romanane utmerker seg også med innsiktsfulle skildringar av relasjonar. I 2007 vart Ingebrigtsen valt ut som norsk forfattar til «Scritture Giovanni». Hans neste roman, Heimfall. Ei juleforteljing (2012), vart kortlista til P2-lyttaranes romanpris i 2012. I 2013 fekk Ingebrigtsen Sultprisen for forfattarskapen sin.
Ingebrigtsen sat i Den norske Forfattarforeininga sitt Litterære råd frå 2011 til 2017, dei fire siste åra som leiar av rådet.
Bibliografi
- Kvit bok mørk vinter (Roman, Oktober, 2018)
- Spikrar frå fallande plankar (Roman, Oktober, 2015)
- Heimfall. Ei juleforteljing (Roman, Oktober, 2012)
- Viddesyn (Roman, Oktober, 2009)
- Vendrakovic (Roman, Oktober, 2006)
- Snø dempar lyd, tre lukkar inne (Roman, Oktober, 2003)
- Vesen (Roman, Oktober, 2001)
Les meir i Store norske leksikon
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.