S

Anna Skeide, modernistisk lyrikar. Frå enkle oppvekstskår ved kysten, utan utdanning og med eit tradisjonelt kvinneliv som livsform, steig ho i moden alder fram som ein myndig lyrikar med originale og stilsikre dikt.

Anton Solheim, forfattar og lærar, skreiv barnebøker der vi følgjer born på landsbygda i deira eigne omgivnader.

Are Frode Søholt, songar, kulturadministrator og forfattar som har prega kulturlivet i Nordfjord gjennom tilskipinga av Gloppen musikkfest.

Bjarne Slapgard, forfattar og folkehøgskulemann som var sentral i det norske folkehøgskulemiljøet i fleire tiår.

Bjarte Sindre er forfattar, lektor og lokalhistorikar. I romanar med handling frå norrøn tid kombinerer han kulturformidling og spenning.

Cecilie Nyborg Seiness, journalist, forfattar og forlagsredaktør, har utmerkt seg som ein dyktig portrettjournalist.

Einar Sæter, redaktør og forfattar frå Nordmøre. Han har skrive bøker om tida som agent i etterretningstenesta XU under andre verdskrigen.

Gaute M. Sortland er forfattar og musikar. Med eit knapt og treffande språk gir han eit finurleg perspektiv på kvardagslivet.

Gro Skartveit er forfattar, sosionom og lokalpolitikar. I heile sitt virke har ho vore oppteken av sosiale spørsmål. I bøkene sine fortel ho om menneske i ulike livskriser.

Gudmund Skjeldal, lektor, skiløpar og forfattar. Han har teke eit moralsk oppgjer med langrenn som toppidrett og skriv gjerne om idealisme og klimakamp.

Gunnar Slettebakken var forfattar og kunstmålar, med sterkt feste i folkeleg forteljekunst, både i prosa og i bilete.

Guri Sørumgård Botheim, litteraturvitar, forfattar og festspeldiktar under Dei nynorske festspela i 2013, saman med Lars Petter Sveen og Sigrid Sørumgård Botheim.

Hans Johan Sagrusten er teolog, bibelomsetjar, forfattar og forlagssjef. Gjennom lyrikk så vel som i spennande historisk fagformidling har han nådd mange lesarar.

Hans Erik Sande, psykiater, biletkunstnar og forfattar som har skrive fantasifulle og leikne bøker for både barn og vaksne.

Henrik Straumsheim skreiv diktet «Ut mot havet», som med musikk av komponisten Edvard Fliflet Bræin har vorte ein klassikar.

Ingebjørg Kasin Sandsdalen, lyrikar og prosaforfattar som gjennom nærmare 30 verk tolkar livsmysteriet og dei nære ting. Naturbileta formidlar ofte ein etisk bodskap og ei erkjenning av mennesket si avgrensa tid. Frå første bok kan vi lese både lengt og forsoning.

Jan Inge Sørbø, professor, forfattar og kommentator. Sørbø gjekk frå journalistikk til vitskap og har skrive den første samla framstillinga om nynorsk skjønnlitteratur.

Johannes Sandal var husmannsgut frå Jølster som vart typograf og ein av dei første frå Sogn og Fjordane som gav ut dikt på landsmål.

Kari Stai, forfattar, illustratør og biletkunstnar med eit fargerikt, særmerkt og stilisert formspråk. Ho lagar biletbøker for barn på nynorsk.

Solvår Karin Sveen, adjunkt, prislønt forfattar og spaltist i fleire aviser, har særleg sett spor etter seg som essayist.

Katrine Sele er prislønt journalist, kommunikasjonsrådgivar og sakprosaforfattar.

Kristen Stalleland, redaktør og bonde. Frå heimstaden sin i Aust-Agder skapte han det første barnebladet på landsmål, som i dag er eitt av dei eldste barneblada i verda.

Kristin Sørsdal, forfattar og omsetjar. Ho har skrive fleirstemde og poetiske romanar og omsett dei fleste av Elena Ferrante sine bøker til nynorsk.

Lars Ove Seljestad, sosiolog og forfattar frå Odda.

Lars Svisdal, forfattar som brakdebuterte i 2018 med Seg til inkjes, ein roman som utmerkjer seg med eit fargerikt, dialektprega nynorsk og vann Tarjei Vesaas’ debutantpris.

Martin Steinar Skjekkeland er professor i nordisk språkvitskap ved Universitetet i Agder. Han har markert seg som populærvitskapleg formidlar av språk og språkutvikling.

Nora Simonhjell, lektor med doktorgrad i litteraturvitskap og lyrikar som skriv om å skape og gjenskape identitet.

Ola Setrom, forfattar og lærar frå Oppdal som nytta nynorsk med innslag av oppdalsdialekt i forfattarskapen sin.

Ole Mørk Sandvik var utdanna teolog og den første som tok doktorgrad på norsk folkemusikk. Han var folkemusikksamlar, pedagog og forfattar.

Rakel Solstad er forfattar og skribent, og har i mange år arbeidd som lærar og pedagogisk-psykologisk rådgivar. Solstad skildrar oppveksten til barn i utsette posisjonar.

Signe Finne Seim, lærar, omsetjar og lyrikar som mellom anna har utvikla læremiddel om Ivar Aasen og Per Sivle.

Sigri Sandberg, frilansjournalist, tekstforfattar, forfattar og villmarksentusiast som har skrive eit titals bøker om natur, klima og friluftsliv, fleire av dei saman med polfarar Cecilie Skog.

Sigrid Sørumgård Botheim, pianist, forfattar og festspeldiktar under Dei nynorske festspela i 2013, saman med Lars Petter Sveen og Guri Sørumgård Botheim.

Sigrun Slapgard, journalist og forfattar med interesse for krigstematikk. Ho er òg oppteken av kvinner i norsk presse- og litteraturhistorie.

Solfrid Sivertsen, bibliotekar og forfattar av stillfarande realistiske dikt, noveller, romanar og barnebøker.