Hans Johan Sagrusten

Sagrusten har teologisk embetseksamen frå Menighetsfakultetet i 1996. Han har arbeidd som prest, bibelomsetjar og som rektor ved Kvitsund Gymnas. Han var forlagssjef i Verbum Forlag i 2019–2020, og bibelbrukskonsulent i Det norske bibelselskap i 2013–2019 og frå 2020.

I åra 2000–2005 var Sagrusten sentral i arbeidet med omsetjinga som vart til «Bibel 2011». Han var ein av fire primæromsetjarar for Det nye testamentet, og han tok også del i omsetjinga av poetiske tekstar frå Det gamle testamentet.

Sidan debuten i 1998 har Sagrusten i gjennomsnitt gitt ut ei bok annakvart år. Fleire av bøkene er knytt til arbeidet hans i Bibelselskapet.

Det store puslespillet (2014) og oppfølgjaren Det store puslespelet II (2016) fortel om funnet av pergament- og papyrushandskrifter med bibeltekstar. Den skjulte skatten (2017) fortel om Aslak Bolts bibel, ein handskriven latinsk bibel frå 1200-talet.

Hans Johan Sagrusten har dessutan gjendikta den walisiske poeten R.S. Thomas (Ein stad mellom tru og tvil, 2013) og skrive tre eigne diktsamlingar: Dua over Jordan, 2000, Haustsong, 2003 og Evangeliesonettar, 2012.

• Bibelen
• omsetjing
• bibelomsetjingar
• Aslak Bolt