Adolf M. St. Arctander
Adolf Maurits Stenbock Arctander var teolog, folkehøgskulestyrar og omsetjar av klassiske skrifter. I studietida vart han vekt av menn som Bjørnstjerne Bjørnson og Christopher Bruun, og for resten av livet var han overtydd målmann.
Alv Askeland
Alv Martin Askeland, sokneprest og sentral aktør i Vestmannalaget gjennom mange tiår. Han forma den ideen som blei til Akademiet i Rauland.
Anders Aschim
Anders Aschim, teolog, bibelomsetjar og faglitterær forfattar. Hovudverket hans til no er ein detaljert og velskriven biografi om professoren, politikaren og salmediktaren Elias Blix.
Anders M. Andersen
Anders Magne Andersen, tidlegare førsteamanuensis i nordisk litteraturvitskap ved Universitetet i Stavanger. Han har markert seg som offentleg debattant og var den første redaktøren i Klassekampen.
Anton Aure
Anton Magnus Aure, boksamlar og bibliograf som på vel 20 år bygde opp ei eineståande samling av bøker og skrifter på nynorsk og dialekt.
Arthur Arntzen
Arthur Arntzen
Arthur Arntzen, journalist, artist og forfattar, særleg kjend for framføringa si av figuren Oluf.
Asbjørn Aarnes
Asbjørn Sigurd Aarnes, litteraturforskar, formidlar av litteratur, filosofi og idéhistorie, skapar av intellektuelle møtestader.
Bernt Th. Anker
Bernt Th. Anker
Bernt Theodor Anker, norsk prest som tidleg på 1900-talet heldt gudstenester på nynorsk i over tusen kyrkjer.
Birger Angvik
Birger Angvik, professor i litteratur, ekspert på latinamerikansk forteljekunst, kombinert med kjønnsproblematikk og homofili.
Bjørn Aksdal
Bjørn Aksdal, førsteamanuensis, ein av dei fremste folkemusikk-kjennarane våre.
Georg Arnestad
Georg Einar Arnestad, forskar og skribent med sterke meiningar, særleg om kulturpolitikk og regional utvikling.
Gunnstein Akselberg
Gunnstein Akselberg
Gunnstein Akselberg er namnegranskar og professor ved Universitetet i Bergen. Akselberg er fast gjest i Eides språksjov på NRK.
Halfdan Asphaug
Halfdan Asphaug var lærar, folkehøgskulestyrar og redaktør av fleire nynorskaviser og -blad.
Henrik Angell
Henrik Angell
Henrik August Johanson Angell, offiser, forfattar, militærromantikar og krigshelt, som gjekk på ski over Hardangervidda før Fridtjof Nansen og fremja interessa for skiidrett i Noreg og utanlands.
Jenny Arnesen
Jenny Magdalene Arnesen, forfattar og journalist. Ho var ein av dei første kvinnelege journalistane som skreiv på nynorsk.
Jon Askeland
Jon Askeland har hatt ei rekkje leiande tillitsverv knytte til høgnorskrørsla dei siste tiåra.
Karl Akre
Karl Edvard Pedersen Akre var lærar. Saman med Ananias Brune stod han i 1875 for det nordlegaste bladforsøket på landsmål.
Kjetil Almenning
Kjetil Almenning, kordirigent og songar som har markert seg i arbeidet med ny kormusikk og gjennomarbeidde konsertprogram.
Nikolai Astrup
Nikolai Astrup
Nikolai Johannes Astrup, biletkunstnar, illustratør og gartnar, med eit lidenskapeleg forhold til natur- og kulturlandskapa i Jølster, Sogn og Fjordane.
Norunn Askeland
Norunn Askeland er tekst- og skriveforskar. Ho har skrive ei rekkje lærebøker og gav i 2009 ut ei idébok om nynorsk i norskundervisninga.
Oddleiv Apneseth
Oddleiv Apneseth, pressefotograf som har vunne ei rekkje prisar for dei uttrykksfulle og levande bileta sine, både av kvardagslege og oppsiktsvekkjande situasjonar.
Olaf Almenningen
Olaf Almenningen, målmann og ordboksredaktør som har skrive eller redigert fleire bøker om norskdomsrørsla.
Olaus Alvestad
Peder Olaus Alvestad, songbokredaktør og folkehøgskulelærar, som laga ei av dei mest brukte songbøkene på 1900-talet.
Rasmus B. Anderson
Rasmus B. Anderson
Rasmus B. Anderson, norskamerikansk filolog og professor, skarp og uthaldande talsmann for norsk kultur i Midtvesten, fekk innstifta Leif Eiriksson-dagen som minnedag i Amerika, opnar den nesten 700 sider lange sjølvbiografien sin med å slå fast – på norsk, engelsk og latin – at livet er ein krig.
Reidar Almås
Reidar Almås, professor og grunnleggjar av Norsk senter for bygdeforskning. Grøn omsorg, samdrift og endringsprosessar på bygda er nokre av dei prosjekta han har forska på.
Ruth Alvsen
Ruth Alvsen, redaktør, journalist og forfattar, følgde i Aasmund Olavsson Vinje sine spor hundre år etter og var mellom dei første norske kvinnene som dreiv oppsøkjande reportasjejournalistikk.
Sigbjørn Apeland
Sigbjørn Apeland, organist og etnomusikolog som har markert seg både som utøvar og forskar med sterk interesse for folkelege og verdslege uttrykk.
Solfrid Aksnes
Solveig Sundbø Abrahamsen
Solveig Sundbø Abrahamsen
Solveig Sundbø Abrahamsen, førskulelærar, skuleleiar og politikar for Høgre, blei i 2007 den første kvinnelege ordføraren i Seljord.
Torgeir Augundsson
Torgeir Augundsson, betre kjend som Myllarguten, legendarisk hardingfelespelar og konsertartist frå Telemark.