Faktaboks

Leiv Blakset
Fødd
28. desember 1928, Herøy, Nordland
Død
22. mai 2005
Leiv Blakset
Leiv Blakset var gardbrukar, lærar og politikar. Han var stortingsrepresentant for Senterpartiet i Sogn og Fjordane frå 1985 til 1993.
Av /Stortingsarkivet/Scanpix.

Leiv Blakset var gardbrukar, lærar og Senterpartiet-politikar.

Leiv Blakset var fødd i Herøy i Nordland. Han voks opp på Nordfjordeid, men i 1946 flytte familien til Blakset i Stryn, der faren kom frå, og her vart Leiv gardbrukar. Han tok agronomeksamen i 1949. Han utdanna seg til lærar på Elverum offentlige lærerskole i 1966 og arbeidde seinare ved ulike skular i Stryn, frå 1977–1995 som rektor ved Blakset skule. I 1977 vart han ordførar i Stryn kommune, etter å ha vore varaordførar dei fire føregåande åra, og vararepresentant til Stortinget for Senterpartiet i Sogn og Fjordane. Han var medlem av fylkestinget 1979–1985. Frå 1985 til 1993 hadde han fast plass på Stortinget.

Blakset var medlem av både forsvarskomiteen, forbrukar- og administrasjonskomiteen og kyrkje- og undervisningskomiteen. Han var også ei tid medlem av den utvida utanriks- og konstitusjonskomiteen, og i 1987 var han norsk utsending til generalforsamlinga i FN i New York.

Han hadde ei rekkje andre offentlege verv og var særleg engasjert innanfor arbeid for fjordhesten, idrett og lokalhistorie.

Les meir i Store norske leksikon

Eksterne lenker

Kommentarar

Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.

Du må være logga inn for å kommentere.

eller registrer deg