Steinar Brauteset var radiomann og forfattar. Han laga over 50 program om norsk okkupasjonshistorie, var utanrikskorrespondent i Paris og leidde Landbrukshalvtimen i 20 år.
Steinar Brauteset
Faktaboks
Steinar Brauteset
- Fødd
- 28. oktober 1927, Leinstrand i Trondheim, Trøndelag
- Død
- 10. mai 2000, Oslo
Bakgrunn
Steinar Brauteset var fødd i Leinstrand (no Trondheim) i Trøndelag og døydde i Oslo. Han var cand.philol. frå Universitetet i Oslo i 1957 med faga norsk, fransk og engelsk. Hovudoppgåva tok for seg Jakob Sandes dikting.
NRK
Brauteset byrja i NRK i 1952 som programsekretær i Dagsnytt. Seinare vart han hallomann og redaksjonssekretær ved NRKs kontor i Bergen. I tida 1965–1970 var han ansvarleg redaktør for NRKs store programserie om norsk okkupasjons- og krigshistorie, til saman 58 program. I 1970–1973 var Brauteset utanrikskorrespondent i Frankrike og i 1973–1993 redaktør for radioprogrammet Landbrukshalvtimen.
Utgjevingar
Brauteset gav ut bøkene Sett frå Paris (1973), Landbrukshalvtimen (1983), Gestapo-offiser Fehmer (1986) og I kamp om Narvik 1940 (1987).
Utmerkingar
Brauteset fekk i 1984 Kringkastingsprisen for framifrå bruk av nynorsk i media. I 1994 vart han tildelt Kongens fortenestemedalje i gull.
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.