L

Gunvor Maria Traa Lande, prest.

Sylfest Lomheim, omsetjingsforskar og tidlegare språkdirektør. I 1969–70 blei han den første som brukte nynorsk i Sportsrevyen i NRK TV.

Terje Lyngstad, tidlegare teatersjef i Hordaland og Sogn og Fjordane.

Oddbjørn Birger Leirvik er teolog og professor i interreligiøse studium. I skrift og tale har han framheva verdien av dialog mellom representantar for ulike religionar og livssyn.

Jakob Lothe, litteraturvitar med særleg interesse for den rolla forteljinga har spela i ulike epokar og kulturar, særleg i nyare britisk og amerikansk litteratur.

Eigil Lehmann, prest, språkmann, høgnorskdyrkar og ordbokforfattar. Han gav ut ordbøker både for Det nye testamentet, for islandsk og for færøysk.

Thorvald Larsen, spaltist i Haugesunds Avis gjennom 50 år og truleg den mest lesne skribenten på Haugalandet.

Nils Lid, folkeminnegranskar, språkvitskapsmann og skihistorikar, ein føregangsmann i teknikken med å bruke spørjelister til innsamling av materiale.

Johannes Lid, botanikar og plantegeograf. Han var feltbotanikar i den beste meininga av ordet, og boka hans, Norsk flora, er utan samanlikning den mest brukte handboka om norsk planteliv.

Johannes Lavik, jurist og redaktør, var gjennom avisa Dagen ein sentral opinionsdannar for lekmannsrørsla på Vestlandet i mellomkrigstida.

Edvard Apolloniussen Liljedahl, lærar og postmeister, stortingspresident og statsråd, som sat på Stortinget i nitten år, mellom 1880 og 1909.

Karl Jacob Castrén Lyche, kringkastingsmann. Han var den første nynorske hallomannen i NRK.

Roger Lockertsen, språkforskar, fagbokforfattar, økologisk bonde og målmann som arbeider for å få elevar til å velje nynorsk som hovudmål.

Vigleik Leira, språkvitar, og den fremste allmennlingvisten i sekretariatet til Norsk språkråd.

Einar Johannes Lundeby, språkforskar og professor. For ein generasjon av norskfilologar var han eit førebilete som formidlar.

Svein Lundevall, statsvitar, fylkesrådmann i Sogn og Fjordane gjennom 20 år, aktiv og mangslungen samfunnsdebattant.

Jakob Matias Lothe, lærar, politikar og målmann. Han sat på Stortinget i over 20 år for Venstre og vart lagtingspresident.

Kristina Stine Friborg Lund var organist i Stavanger domkyrkje i meir enn 30 år og er den første identifiserte kvinna som skreiv på norsk dialekt.

Lars Knutson Liestøl, bonde frå Setesdal og statsråd, ein av initiativtakarane til jamstillingsvedtaket i 1885.

Geir Egil Larsen, folkedansar og folkemusikar frå Verdal som spelar fele, tussefløyte, bukkehorn og seljefløyte.

Ragnvald Leland, norskamerikansk lege og målmann. Han skreiv mange interessante artiklar i norskamerikanske aviser om landsmålet i Noreg og Amerika og norsk språkhistorie.

Malmfrid Lunde var lærar i Jølster og forfattar av ein roman med handlinga lagd til ei vestnorsk fjordbygd.