Asylmottak
Asylmottak
Asylmottak er nemninga på det statlege butilbodet til personar som ventar på å få asylsøknaden sin behandla av Utlendingsdirektoratet. Etter ein topp i 2015 gjekk talet på asylmottak sterkt ned, som ei følgje av nedgang i talet på asylsøkjarar til Noreg.
Asylsøkjar
Asylsøkjar
Ein asylsøkjar er ein person som har søkt om vern (asyl) i eit land, og som ventar på å få søknaden behandla. Det er Utlendingsdirektoratet som har til oppgåve å behandle asylsøknader.
Innvandrar
Innvandrar
Ein innvandrar er ein person som flyttar til eit anna land enn fødelandet for å busetje seg der. «Innvandrar» er eit sekkeomgrep som dekkjer ulike grupper, uavhengig av kva grunn dei har til å flytte.
Flyktning
Flyktning
Ein flyktning er ein person som held til utanfor heimlandet sitt på grunn av frykt for forfølging av sosiale, etniske, politiske eller religiøse årsaker. Etter norsk rett har alle som oppfyller flyktningdefinisjonen, rett til opphald her i landet.
Familieinnvandring
Nære familiemedlemer av ein norsk eller utanlandsk statsborgar som allereie har opphaldsløyve i Noreg, kan, om visse vilkår er oppfylte, få opphaldsløyve for å leve saman med denne personen. Denne typen opphald blir kalla familieinnvandring.
Etnisk reinsing
Etnisk reinsing
Etnisk reinsing, tiltak for å fjerne eller redusere etnisk mangfald i ein stat eller eit område. Reinsinga kan utførast på fleire måtar, dei mest kjende er massedrap og tvangsfordriving.
Klimaflyktning
Klimaflyktning
Klimaflyktning er eit omgrep i daglegtalen som blir brukt om personar som må forlate heimen sin på grunn av konsekvensar av klimaendringar.