Ivar Aasen-selskapet er eit selskap som har til oppgåve å gi ut etterlatne manuskript etter Ivar Aasen og avhandlingar om Aasen og verket hans.

Ivar Aasen-selskapet vart skipa 10. mars 1991. Initiativtakarar var Jarle Bondevik og Oddvar Nes ved Nordisk institutt, Universitetet i Bergen, og Terje Aarset, Høgskulen i Volda.

Det er første gongen manuskripta til Ivar Aasen er lagde fram i vitskaplege utgåver. Noregs forskingsråd, Universitetet i Bergen og Høgskulen i Volda har støtta prosjektet økonomisk. Skriftene er redigerte av Bondevik, Nes og Aarset og er gitt ut på Norsk Bokreidingslag. Aasens etterlatne manuskript kom ut i ti band fra 1992 til 2006.

Utgjevingar

  • Sunnmørsgrammatikkane av Ivar Aasen (1992)
  • Målsamlingar frå Sunnmøre av Ivar Aasen (1994)
  • Målsamlingar frå Bergens Stift av Ivar Aasen (1995)
  • Målsamlingar frå Christiansands og Agershuus Stifter av Ivar Aasen (1997)
  • Målsamlingar frå Trondhjems og Tromsø Stifter av Ivar Aasen (1998)
  • Målsamlingar 1851–1854 av Ivar Aasen (1999)
  • Dansk-norsk Ordbog av Ivar Aasen (2000)
  • Målsamlingar 1855–1861 av Ivar Aasen (2001)
  • Målsamlingar 1862–1883 av Ivar Aasen (2002)
  • Namnesamlingar av Ivar Aasen (2006)

Av avhandlingar om Aasen har det kome eitt band, Ivar Aasen-studiar 1 (1998).

Les meir i Store norske leksikon

Litteratur

  • Eli Kristine Korsmo: «Følgde Aasens målsamlingar i 15 år», På Høyden 10.1.2007
  • Kjell Venås: «Målgranskaren Ivar Aasen. Tekster av Ivar Aasen i eit verk på ti band», Maal og Minne nr. 1, 2007
  • Einar Ådland: «Femten år med Ivar Aasen», Dag og Tid 23.2.2007

Kommentarar

Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.

Du må være logga inn for å kommentere.

eller registrer deg