Faktaboks

Sogn Avis
Offisielt namn
AS SOGNINGEN/SOGNS AVIS
Organisasjonstype
Aksjeselskap
Forretningsadresse
Sogndal
Dagleg leiar
Arve Uglum
Styreleiar
Svein Atle Huus
Logo
Logo
Av .
Lisens: Avgrensa gjenbruk

Sogn Avis er ei lokalavis som kjem ut på Leikanger i Vestland. Avisa vert gitt ut på papir to dagar i veka, elles som nettutgåve. Sidan 2002 har ho vore einerådande i indre Sogn. Sogn Avis vart skipa i 1993 og er eigd av Amedia.

Arve Uglum er ansvarleg redaktør frå 2020.

Digitalt

Sogn Avis har hatt nettavis sidan 2001. Ordninga med betalingsmur for ikkje-abonnentar kom i 2015. Det gjennomsnittlege talet på daglege lesarar av papirutgåva og publisering på nett er 21 281 (4. kvartal 2023, ifølgje Mediebedriftenes Landsforening). Sogn Avis produserer fotballpodkasten «Radl om badl».

Etablering

Sogn Avis kom ut første gongen 7. januar 1993. Avisa blei starta som eit resultat av at høgreorganet S/SA (Sogningen/Sogns Avis) og venstreavisa Sogn og Fjordane slo seg saman, som ei tydeleg markering av at det var slutt for partipressa i Sogn.

Sogn Avis er organisert gjennom eit aksjeselskap som i byrjinga var eigd av familien Husabø på Leikanger. Samanslåinga i 1993 gav den nye avisa ein sterk posisjon på avismarknaden i Sogn. A-pressa (no Amedia), som eigde konkurrenten Sogn Dagblad, gjorde fleire forsøk på å kjøpe seg inn i avisa, men først i 1999 fekk konsernet hand om ein blokkerande eigarpost i Sogn Avis, gjennom Firda Media AS. Denne handelen var eit kompromiss der Amedia samtidig la ned Avisa Sogndal og selde Årdal og Lærdal Avis til Sogn Avis. I 2019 kjøpte Amedia 89,5 prosent av aksjane i Sogn Avis, og blei med det eineeigar, sidan konsernet allereie eigde 10,5 prosent gjennom Firda Media.

Sogn Avis har lokalkontor i Sogndal og Årdal.

Sogn Avis blei fram til 2006 trykt i eige trykkeri i Leikanger, seinare i Førde. Avisa har alltid hatt nynorsk som målform.

Med Amedia som medeigar, fekk Sogn Avis frå 2001 høve til å utvikle ei nettavis innanfor rammene til Amedia si nettsatsing. I 2005 tok avisa eit skritt nærare å bli eit komplett mediehus. Sogn Avis overtok då nærradioen P-Vest i Sogndal.

Redaksjonell profil

Sogn Avis er først og fremst ei lokalavis med brei dekning av nyhende og samfunnsliv i nedslagsfeltet indre Sogn. Avisa har heile tida vore partipolitisk uavhengig.

I 2015 vart Sogn Avis kåra til Årets lokalavis.

Opplag

Opplagstall for Sogn Avis, 1986-2022

1986 8836
1988 9317
1990 9453
1991 9412
1992 9580
1993 11155
1994 10837
1995 10701
1996 11101
1997 11098
1998 10815
1999 10852
2000 10770
2001 10486
2002 11245
2003 11325
2004 11203
2005 10948
2006 10884
2007 10423
2008 10085
2009 10161
2010 10053
2011 9786
2012 9698
2013 9441
2014 9055
2015 9155
2016 8993
2017 8772
2018 8253
2019 8045
2020 9132
2021 9487
2022 9613
Kilde: medienorge.uib.no (papiropplag til 2014; deretter totalopplag, endring i beregningsmetode fra 2018)

2015: 9155

2016: 8993

2017: 8772

2018: 8253

2019: 8045

2020: 9132

2021: 9487

2022: 9613

2023: 9505

Frå 2020 vert netto opplagstal for både digitalt abonnement og papirabonnement nytta. Kjelde er opplagstala som avisene rapporterer til Mediebedriftenes Landsforening (MBL).

Fakta

  • Første nr. 7.1.1993

Les meir i Store norske leksikon

Eksterne lenker

Litteratur

  • Eggum, T. (2009): På trykk. Avisene i Sogn og Fjordane 1874–2009. Førde: Selja Forlag
  • Grepstad, O. (2010): Avisene som utvida Noreg. Nynorskpressa 1850–2010. Oslo: Universitetsforlaget

Faktaboks

Sogn Avis
Sektorkode
2100 Private aksjeselskaper mv.
Næringskode(r)
58.130 Utgivelse av aviser

Kommentarar

Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.

Du må være logga inn for å kommentere.

eller registrer deg